深信好多人由日本片方宣佈渡邊直美飾演坦克版貂嬋之後就有留意《 反轉三國志 》呢套戲，終於香港都上映了，但好可惜錯過咗聖誕同新年檔！…
Browsing Category
電影評論
好啦但其實我肯肯定不是做編劇的料子，對劇本指手劃腳就有份。但我真係好欣賞《Palm Springs: 戀愛假期無限loop 》成套戲嘅節奏夠明快，On_得嚟好好笑，好多情節睇落九唔搭八但出嚟個效果又唔突兀，同場觀眾都笑得好開心lol。咁樣嘅mix & match其實好少可見到，唔拍出嚟，就咁睇script可能會係套好risky嘅投資。…
故事講喺郵局工作、天生做嘢快到甩碌嘅楊曉淇本身高高興興同曖昧對象劉文森共渡情人節，點知突然之間成個情人節無咗，一醒已經係2月15日！而平時成日喺郵局搵曉淇寄嘢、手腳慢到不堪嘅阿泰則下定決心準備寄出最後一封信⋯⋯兩人看似毫無瓜葛，背後卻埋藏住一場牽引咗幾十年(?)嘅約定。…
2013年，《狂舞派》問大家：「為咗夢想，你可以去到幾盡？」震撼了電影業界，讓觀眾感受到香港電影新希望，原來香港都可以拍到如此出色的跳舞片。七年後，黃修平變得更勇敢和成熟，拒絕複製成功方程式拍攝《狂舞派2》，直接推出風格截然不同的《狂舞派3》，令人十分驚喜。今集不再熱血青春勵志，為大家帶來寫實的殘酷追夢物語，再問大家：「為咗夢想，你可以妥協到幾盡？」…
有一條 formula，用嚟拍戲幾乎都係唔好睇，就係「（聖誕節+大家庭+大派對）x （愛情+喜劇） = 爛」，不過偶爾都會有例外。《 攣愛季節 》唔只打破咗呢條 formula 嘅魔咒，而且笑中有淚，劇情有意思，唔係柴娃娃笑完就算嘅喜劇。電影故事裡面問咗一條問題：「被認同係咪就係等於被愛？」戀人之間又好，家庭成員之間又好，甚至乎係自身嘅身分認同都好，《 攣愛季節 》都有唔少令人眼濕濕嘅探討。…
好似好耐都無睇過一部會令我同時笑得好開心，又令我有啲感觸而落淚嘅電影。水島努導演嘅《 白箱 》推出劇場版，今年年初喺日本上映，年底終於輪到香港觀眾有得睇。《劇場版 白箱 》大概只係將製作動畫嘅流程同當中會遇到嘅困難重新包裝一次，重複武藏野動畫公司經歷低潮後再次反彈嘅戲碼，但係導演手法豐富，熟悉嘅角色逐一登場，簡直就係大放送。（雖則大部分角色對故事發展無咩實際意義，只係為咗滿足 fans 而曇花一現）…
《 無聲 》講述失聰少年張誠（劉子銓）轉到啟聰學校就讀，遇上心儀嘅女同學貝貝（陳姸霏）。有日，佢發現校車最後一排，貝貝被人強迫「玩遊戲」，對於聾人學校嘅黑暗感到非常恐懼。面對學長小光（金玄彬）喺學校長期霸凌，漸漸成為下個欺凌目標嘅佢決定拉貝貝去搵老師（劉冠廷）幫手。與此同時，加害者與受害者嘅界線慢慢變得模糊⋯⋯…
1979嘅呢套經典《 現代啟示錄 ：終極版》讀電影嘅時候呀Sir都有介紹過，但由於播一播就無咗成堂嘅關係，佢都係叫大家返屋企睇。然後今年俾我見到佢重映呀媽媽！我就同大學同學9衝買飛去睇了，開心！呀Sir我睇完喇！（遲咗5、6年）…
《 鬼滅之刃 》fans 一定會覺得好滿足，因為《無限列車篇》結尾收得好靚，好淒美，好壯烈，ufotable 嘅作畫始終如一令人驚艷。之不過，礙於《無限列車篇》其實只係《 鬼滅之刃 》完整故事裡面其中一個過度嘅篇章，而唔係原創獨立外傳作品嘅關係，無睇過漫畫/電視動畫嘅觀眾未必可以搵得到角色情緒起伏嘅主因以及劇情轉捩點嘅重要性，亦令到劇場版兩個鐘嘅主線劇情有起有落，善逸、禰豆子嘅發揮被限制，主要 side kick 伊之助算係叫做多少少出場機會。…
《 怪誕黑巫后 》Anne Hathaway 贏晒 《 怪誕黑巫后 》難搞，有 Anne Hathaway 出場嘅時候就好睇，無 Anne Hathaway 出場嘅時候就麻麻，而結局就令人好頭痕。再一次改編80年代嘅（暗黑兒童）小說《The Witches》，1990年嘅電影版本以當年標準嚟講算係幾有趣同獵奇；30年後嘅全新版本電影，故事骨幹一樣，改為以 CG 處理所有女巫相關嘅特效，畫面係就係做得幾細緻，不過電影喺整體上顯得活力不足，都幾失色。 暗黑兒童系 《怪誕黑巫后》一開始嘅鋪陳太冗氣同乏味，太多老土嘅對白，太多「哦，其實係咁樣嘅⋯⋯」嘅馬後砲，多數都係出自 Octavia Spencer 把口，亦係點解 Octavia Spencer 嘅外婆角色唔太好睇嘅原因。《 怪誕黑巫后 》劇情王道得嚟（唔計結局，下面再講）其實都幾幼稚，主角群同女巫嘅對決過分單調，小小男主角突然集勇氣與智慧於一身嘅橋段過分兒戲，劇情兒童向但係電影風格又唔夠童幻，感覺唔太 balance AnneHathaway贏晒 如果無 Anne Hathaway 七情上面嘅演出，《怪誕黑巫后》或者就會不堪一擊。小小男主角得半齣戲嘅戲份（另一半時間佢係一隻老鼠），無乜發揮，演技都唔夠成熟，至於 Octavia Spencer 就如上文所講因為畀角色設定連累而唔太好睇，完完全全畀 Anne…