《 反轉三國志 》成個班底同製作根本賀歲片(?)級數！
深信好多人由日本片方宣佈渡邊直美飾演坦克版貂嬋之後就有留意《 反轉三國志 》呢套戲，終於香港都上映了，但好可惜錯過咗聖誕同新年檔！
故事講日本人點樣「癲覆」咗三國相關之事件及歷史人物。有睇開日本片嘅我覺得淨係睇演員陣容，真係幾年難得一遇咁強勁。所以就咁睇星我已經狗衝咗，計戲份我都覺得夠過癮嘅，唔係淨係出一兩個鏡頭咁樣。
至於笑位，幸好本身大家都對三國有認知，所以就算係日本人拍都好，咁其實大概佢要攪gag/扭曲史實嘅位大家都get到，只不過又係同《今日我話事》一樣，福田雄一將同一個gag位玩太長，就會尷咗。
笑料嘅份量就靠咗字幕去搭夠！因為老實講佢唔係由頭笑到落尾，笑點疏疏落落但字幕真係好貼地好好笑，好貼近疫情嘅gag又有，後生仔特別笑得開心，上咗年紀可能會睇到訓着，所以如果要扮後生可以特登大聲笑（並不是。
如果套戲可以唔用旁白，淨係用三國故事貫連到就好了，因為個說書佬旁白真係有啲悶，但又好似要有個人係度戴晒頭盔係度講「野史」咁，可能驚得罪歷史人(?)。
文：sowhatmovie
