《 信用欺詐師 JP：公主篇 》好一場大龍鳳！
上次香港篇係我第一次睇《 信用欺詐師 》系列，作為娛樂入場睇套戲我覺得幾喜歡，至少睇得開心 which is very important！於是有續集就狗衝去睇優先場。
新一集講新加坡有個 Crazy rich asian 駕崩，指定一個私生女繼承家產，長澤正美聽到之後心諗 fat fat 喇，一定要去分一杯羹。 富豪本身有三個仔女，仲有私生女本尊下落不明，另外仲有一堆唔惹小嘅人加入混戰！記得入場睇欺詐三人組點樣玩到件事氹氹轉。
保留上集人物三浦春馬、竹內結子、江口洋介等等之餘，再加埋新角色關水渚、徐若瑄、古川雄大、白濱亞嵐 等人，觀眾可以睇晒咁多人大混戰！上集嘅角色會相對出少啲，但觀眾都可以過足癮，咁多個角色加埋令到兩集電影好有連繫感，卡士堪稱賀歲片份量。想入場get晒所有攪笑位，可以睇咗香港浪漫篇先入場。
今集內容仲豐富過上集，承傳信用欺詐師一貫鬧劇style，雖然情節係誇張、有唔合情理嘅地方，但因為定位係喜劇嘅關係，我無深究太多，至少成場都睇得好開心！而故仔都唔只係鬧劇嘅，日本戲著重情感，就算喺喜劇上都可以體現到，就等長澤正美同關水渚同大家上一堂啦！
文：sowhatmovie
