《 60分鐘招魂直播 》又要驚又要睇！60分鐘消磨時間 + 嚇自己之選！
《 60分鐘招魂直播 》講幾條八婆無聊搵埋個通靈師玩zoom招魂招出禍，引咗隻猛鬼返嚟然後一獲熟。最後尾有驚喜！雖然唔係彩蛋但估唔到佢加插段咁嘅嘢落去，都幾好笑。
本片真係real time 60分鐘左右就睇完。雖然都唔係好驚好驚嘅level但因為我對jump scary堅係會嚇親所以同朋友縮埋一二角又要遮住眼咁睇。「啊？咩事呀頭先睇唔到。」梗係啦因為遮住咗對眼。唔好問我隻鬼咩樣，本身佢就出得好少然後我又睇唔到，sorry。
我會判斷佢係experimental film。製作上真係好低成本，然後演員又唔駛吓吓成部大機對住，甚至crew size都應該好細，係個好新鮮嘅拍攝體驗。
拍之前都應該好花心思去構思成個空間點走位（廢話有邊套戲唔駛），因為係「real time」所以又要細心度度邊度要cut、有咩位要用到後製去補、現場嘅crew要點分工。成本越低就越難攪，咩都係就住就住。（本片成本為$35000美金，票房/賣埠返來的錢已經想像唔到係幾多倍）
整體嚟講，小成本但有驚喜同突破性，唔錯。
文：sowhatmovie
