電影評論

《毒火追擊》 阿諾迷必看! 

毒火追擊可以話係阿諾舒華辛力加一個新嘗試,因為佢唔係單純警匪片而當中亦加入好多懸疑嘅劇情。片長 109 分鐘主要係想講述以” 阿諾”領軍嘅DEA 掃毒特攻隊,用盡所有辦法去對付世界最強勁嘅販毒組織;當中經過一次鎗林彈雨嘅行動過後,掃毒特攻隊攻佔毒販嘅據點,發現咗一千萬美元贓款,而掃毒特攻隊亦同時集體私吞了呢啲贓款。

劇情亦開始愈來愈緊湊,呢一個部分亦帶俾我好多新鮮感,原本以為私吞贓款嘅事件係完美無暇嘅一個計劃,點知隊中嘅成員忽然逐一被神秘人以殘酷嘅手段暗殺,贓款亦同時離奇失竊而且仲受到聯邦儲備局嘅調查,喺呢個時刻每個人嘅關係都開始轉變,每個人都開始互有嫌疑。” 阿諾”亦開始係重重謎團當中搵出神秘人出嚟,破解所有迷團。但整體劇情唔夠深入,好多時都需要觀眾去聯想多啲,但如果你係” 阿諾”迷就一定睇下啦!

 

6/10

 

文:waterqq  

Just a man who loves movie.

 

 

You Might Also Like