《 消失的情人節 》非常有意思嘅愛情小故事
故事講喺郵局工作、天生做嘢快到甩碌嘅楊曉淇本身高高興興同曖昧對象劉文森共渡情人節，點知突然之間成個情人節無咗，一醒已經係2月15日！而平時成日喺郵局搵曉淇寄嘢、手腳慢到不堪嘅阿泰則下定決心準備寄出最後一封信⋯⋯兩人看似毫無瓜葛，背後卻埋藏住一場牽引咗幾十年(?)嘅約定。
劇本設定咗一個好有趣嘅世界，觀眾未去到中段係唔太會知到底發生咩事，淨係會好似女主角咁：頂！我個2月14日去咗邊度！？我覺得電影後半段更「好睇」，除咗因為故事漸入佳境之外，亦都係因為我比較想從阿泰（劉冠廷）嘅角度去睇成件事，佢會慢慢解釋返前文後理，觀眾同時間先會理解到前半段嘅故仔有趣嘅地方。
金馬獎嘅賽果係合理的，拎到最佳原創劇本，因為劇本寫得好有意思（除咗我覺得前半段小悶之外），但影帝、影后都落選了，可能都真係因為未夠火候呢～（劉冠廷已手執金馬男配，想衝帝）
我覺得呢個係一個香港人好難寫得出嘅劇本/原創故事，可能香港人近年思緒好難放鬆，題材都比較沉重、繃緊一點。如果想睇愛情/喜劇/文青小品，《 消失的情人節 》係戲院剛開一個好好嘅選擇。
文：sowhatmovie
