《 今晚打喪屍 》 白只 最Rock一次與 波多野裕介 深夜狂jam
將於6月29日上映的本土喪屍電影《 今晚打喪屍 》，男主角 張繼聰 與 白只 ，兩位好兄弟相識廿年來首次合唱的主題曲〈雙截龍〉快將面世，MV亦正準備中。今日 白只 與〈雙截龍〉作曲人，與今屆《香港金像獎》「最佳原創電影音樂」得獎者 波多野裕介 ，齊齊於行人隧道跟一班band友拍攝MV。最後 波多野裕介 與band友更會化身喪屍怒跑，表現拍得住專業演員。
白只本身是樂隊朱凌凌的成員，但今次絕對是他最Rock and Roll的一次，拍攝時更激動到多次揈跌昂貴音響器材及眼鏡，「首歌啲音樂太正，好快就令人投入到嗰種熱血嘅狀態。上次喺錄音室已經好好玩，今次仲full band上陣，阿聰今日要拍劇所以嚟唔到一齊拍，我好肯定係佢嘅損失！」
至於波多野裕介則代替了阿聰的位置，與白只狂jam他們口中的「crazy rock」，玩樂器、跳高、跳舞、扮喪屍乜都做齊，演技夠放，超級搶鏡。「今次我更會挑戰rap一段廣東話，MC波多野in the house，哈哈，希望成功！」令大家更期待他們幾位音樂天才合作的〈雙截龍〉。
拍攝MV時雖已是深夜時份，但都引來大量途人圍觀，更有少女因聽到波多野裕介講日文，而誤會他們是來自日本的組合！
