《今晚打喪屍》煞科宴潮玩「唱K神器」 萬梓良欽點張繼聰領唱《雞，全部都係雞》

電影《今晚打喪屍》昨晚（5日）在灣仔一酒家舉行煞科宴，一班演員包括萬梓良（萬子）、吳家麗、張繼聰、白只、顏卓靈、J.Arie、灰熊、鄒文正等齊齊現身。

席間萬子心情大靚，表現雀躍，並捉住在戲中飾演其兒子的白只，即場重演戲中最後一幕爆破戲，二人玩到七情上面，令在旁的顏卓靈及吳家麗相當興奮。

其後萬子又開金口，用近期最hit的「唱K神器」獻唱他第一套劇集《大內群英》的主題曲，唱畢將「唱K神器」交棒給張繼聰，笑指對方才是歌手。因新戲與「雞」有關連，隨後張繼聽即席唱出風靡網上平台的惡搞歌《雞，全部都係雞》，炒熱全場氣氛。

煞科宴期間，一眾演員四圍祝酒，場面熱鬧，而在場的工作人員亦爭住與眾演員合照留念。