黑絲性感內衣、啦啦隊隊長制服誘惑 Eric Kwok明目張膽揸崔碧珈胸片段流出
由太陽娛樂文化有限公司出品、巴福斯影業有限公司發行之火爆黑色喜劇《老笠》鐵定於4月14日上映，片中除了有超班演技派林雪、馮淬帆、姜皓文、盧惠光等坐陣外，片中兩位女角雷琛瑜（J.Arie）及崔碧珈（Anita）亦有亮眼演出，挑戰觀感極限。繼日前在J.Arie活動中大爆揸槍射男生下體引起嘩然後，Anita今日亦有最新火辣劇照流出！
崔碧珈（Anita）在片中飾演一名醫生，勁得富豪郭偉亮（Eric Kwok）歡心，崔碧珈透露：「我個醫生角色除咗能醫百病，仲可以喺性方面滿足感哂Eric Kwok呢位病人嘅要求！」而另一場揸胸鏡頭自預告片曝光亦甚惹爭議，Eric Kwok回應：「揸呢方面，我都唔係好熟手，好彩啟發於Roll機前同導演火火對戲，佢仲扮崔碧珈俾我試揸！Anita好努力，戲入面有場跳舞場口，知道佢事前排練咗好多次。」
導演火火則大讚兩位演員非常落力，他表示：「Eric Kwok絕對演到今時今日富二代嘅大膽同瘋狂，型到一個點！而Anita除咗繼續big瓜之外，戲入面嘅內心戲亦做得好好，花上好多心思，希望大家多多支持佢有更大的發展！保證滿足各位觀感享受！」
崔碧珈百變噴血造型 性感誘惑
電影公司在日前公開的震撼預告片中（https://youtu.be/PoccvkwzTeY）既有Eric Kwok、Anita二人於車廂纏綿，亦有疑似口交的激情鏡頭。另外又見Eric Kwok與Anita在浴缸共浴，Anita似乎相當進取主動，當時半裸的Eric Kwok與身穿性感內衣的Anita有意想不到的「埋身肉搏」，場面香艶。難怪Eric Kwok亦表示從未忘記片場當日的激情場面！
而另一踩界場面必定要數到今天流出的跳舞片段，劇情講述刻薄老闆林雪侍着自己手握警槍，勒令女客人Anita當眾表演Table dance。而Anita在跳舞過程中穿上性感黑絲內衣，做盡擘髀、拗腰、自摸舞姿，意態撩人，令片場氣氛升溫！
據知Anita亦為這一場重要場口下過苦功，找來舞林高手EO2成員Otto學跳舞：「我覺得《老笠》最難忘就係Table Dance戲，因為我要著性感內衣，拍嘅時候都會好擔心走光，加上Table Dance好高難度，張枱又比較跣，我要著高跟鞋表演，導演同時要我keep住個性感靚女形象，所以內心係好驚㗎！」
對於性感尺度，Anita表示不怕性感演出被定型：「我自己其實係唔抗拒性感，當然做演員必定想有唔同方面嘅嘗試，咁自己仲係起步階段，相信將來觀眾都可以見到唔同方面嘅崔碧珈！」
