點解 光碟 會損毀？又可以點保養？
有啲電影就係想不斷重溫，所以唔少人都會買碟（特別係珍藏版、特別版），由以前嘅DVD到今日嘅藍光、4K甚至8K。 光碟 本身係咩嚟，又有咩事會導致損毀，又點樣保存係最合適呢？ 本文若略介紹一下。光碟主要由塑膠（聚碳酸脂PC）同金屬製成，主要分3層：最底係透明基底（膠），中間係金屬負責記載內容，最上面就係保護層（膠）。因為影像、聲音等都可以數字化變成「1」同「0」，所以呢啲訊息會凹凸形式刻喺金屬層，再以螺旋形軌跡排列。之後就係透過金屬層反射鐳射光，因應光線強度去儲存資訊或讀碟。
既然係膠製成，點解好似好容易整碎？雖然係硬膠，但整碎都係有方法，而且都有唔少因素會影響讀碟，以下情況大家都要留意：（有啲係非常危險方法，需要有成人指引）
- 呢啲情況會整碎隻碟：勉強對摺隻碟、碎碟機、用工具（如較剪、界刀）、用鎚敲碎、釘窿機
- 塑膠面損壞係引致讀碟故障最常見嘅原因，因為用光學讀取，任何有機會干擾嘅嘢例如指紋、污漬、沉積物等都可以導致內容跳過或重複播放
- 有啲溶劑可能會溶解表層膠面，繼而影響金屬層，造成無法修補嘅損毀
- 隨年月過去，塑膠面有機會會變形
- 溫度、濕度都可以減低讀碟效果
咁可以點樣保養呢？
-
見到有污糟或多塵，就要及時清潔，可以用鏡頭專用嘅紙巾或者非常柔軟刷毛都得
-
唔好打圓咁清潔，要由中心向外清潔
-
光碟要存放喺碟盒入面，除咗防塵，仲可以盡可能減低環境對光碟嘅影響，而且入面嘅設計可以固定光碟防撞。如果冇盒，可以放喺膠套入面
-
唔好掂碟面，掂碟就好
-
保存喺涼爽地方
-
如果需要喺碟面寫字，最好用水性marker，因為原子筆等有機會刮花碟面
