《Palm Springs: 戀愛假期無限loop 》如果我做編劇，我希望我寫得出咁嘅劇本！
好啦但其實我肯肯定不是做編劇的料子，對劇本指手劃腳就有份。但我真係好欣賞《Palm Springs: 戀愛假期無限loop 》成套戲嘅節奏夠明快，On_得嚟好好笑，好多情節睇落九唔搭八但出嚟個效果又唔突兀，同場觀眾都笑得好開心lol。咁樣嘅mix & match其實好少可見到，唔拍出嚟，就咁睇script可能會係套好risky嘅投資。
故仔講吊兒郎當嘅拉奧（Andy Samberg）喺婚宴當晚遇見伴娘莎娜，兩人一拍即合，打得火熱嘅時候，拉奧突然中咗兩箭（笑死，睇嗰陣心諗做乜勁）！兩人匿入山窿保命，點知第二朝擘大眼，時間竟然返到婚宴當日朝早！被困於詭異嘅輪迴時空，莎娜由迷惘到enjoy，再變返迷惘⋯⋯有一日，拉奧醒咗之後搵唔到莎娜，佢亦終於知道莎娜堅持要脫離輪迴時空嘅秘密。
我細細個就睇Andy Samberg主持SNL㗎喇！鐘意佢走無里頭X傻戇X誇張演技大法 a.k.a. 顏藝，但有留意開Andy Samberg呢個人就知，佢唔係一個無深度嘅人，平時可以好有自己睇法，做訪問都可以好認真。呢套戲就直情係佢呢個人嘅反射。
通常講困於一個時空嘅電影都係行Drama/Sci Fi路線比較多，樂見又有令人笑得開懷嘅喜劇出現，而且節奏明快之餘又掌握得好，情節係好明顯嘅高低起伏，睇得好c服。
文：sowhatmovie
