無敵破壞王！《 變形金剛 》系列天文數字統計

《 變形金剛 》又打到嚟喇！新一集《 變形金剛：終極戰士 》唔單止係導演 米高比爾 同埋男主角 麥克華堡嘅最後一集《 變形金剛 》電影，劇情更加由中世紀、二戰打到去現代！米高比爾 style 就係要不斷爆，爆，爆！究竟《 變形金剛 》電影系列整「爆」咗幾多嘢？有個網站 icarhireinsurance.com 就幫大家做咗一個詳細嘅統計！（所有圖片截取自該網站）

天文破壞數字

6205架車、11667棟樓⋯⋯加加埋埋一共銷毀咗總值720億港幣嘅財產。

雖然唔知係點計出嚟，但係原來現實生活中一架航空母艦值343億港幣⋯⋯99.8%嘅破壞都係嚟自狂派嘅攻擊。

變形金剛傷亡數字

講實力，其實狂派同博派不相伯仲，只不過狂派每次都有大boss，博派捱打嘅次數一定多過狂派（212比126）；不過博派有主角光環，四集電影計埋都只係死咗六個博派變形金剛，反而佢哋就殺咗總共57個狂派變形金剛。

破壞力最驚人：魔君

做成最多破壞嘅狂派變形金剛係第二集嘅點題大奸角魔君（係咪佢整爆架航空母艦？）連星星叫都可以排第三，麥加登竟然五甲不入，咁多年嚟佢其實做過啲咩？

最捱得打：柯柏文

必睇 IMAX 版本

主角呢就永遠都係最捱得打嘅，柯柏文、大黃蜂一定打極都打唔死嘅㗎喇，不過我覺得麥加登先至係最勁，死咁多次都可以返生，明知唔夠柯柏文打都要繼續圍威喂，我諗佢先至係實至名歸最捱得打嘅變形金剛？

《變形金剛：終極戰士》現已上映！呢一集講到明係《變形金剛》系列之中最「爆」，98%以上畫面都係用 IMAX 鏡頭拍攝。只有睇 IMAX 版本，使用 IMAX 攝影機拍攝嘅場景先至會上下延展，鋪滿更大範圍嘅銀幕，比普通戲院提供多出26%嘅影像內容，以及更寬闊嘅視野！

UA Megabox (七月中重開) 、UA Cine MOKO、UA iSQUARE 及 機場 UA IMAX 都有得睇：

文：靈光

https://www.facebook.com/huxtin/

靈光一閃，正在尋找《光影星碎》後的《生死幻願》。