結果撞出了一個美麗新世界，和耀眼光芒。
* * *
Dan係唱片業伯樂，曾經點石成金，叱咤風雲，奈何中年危機殺到埋身，人又老，錢又冇，老婆又走佬，阿女更唔可以想見就見。Greta寫開歌，「陪太子讀書」先至同簽新公司嘅歌手男朋友搬去紐約，但係男朋友成日要出trip錄歌，long-d戀情危危乎。男友新歌一聽就聽出唔妥，果斷斬纜。酒吧半推半就唱首歌，以為冇人理，點知失驚無神有人話想簽你做歌手？兩個人就係咁一拍即合。
假若近期的〈滋味旅程〉用食物打動人心，此電影則以音樂讓人如痴如醉。（兩片的香港譯名已透露端倪。）以音樂創作和演繹貫穿全片，份量合適，亦令觀眾看得舒服。不論是開首的結他版或腦內補完的伴奏版，還是男或女版”Lost Star”，或留存在留言信箱的「即興」創作；又或男女主角共享playlists，每首歌加上電影片段，渾然配成上佳的組合。
* * *
柳暗花明又一村的故事比比皆是，但此片勝在將二人谷底反彈的力度發揮得恰到好處，而故事發展亦不流於公式般浪漫。男女主角除了在音樂創作上擦出火花，同時也「拯救」好幾個浮浮沉沉的音樂人，更排遣了自身的煩憂。新樂團的成功，音樂人的根底固然重要，策劃人的眼光及幕後團隊功不可沒－－男主角在低潮時仍得到好友相助製作音樂。這份藝術家的堅持與直覺令人佩服，尤在組班的過程可見。
8/10
* * *
（講多幾句：鏡頭下紐約好靚。中意成團人信手拈來，漫遊錄歌，特別係響地鐵月台走鬼嗰段。字幕值得一讚－－歌詞中譯不在話下，有一段以珠為喻嘅對話，嵌入「大珠小珠落玉盤」認真好嘢。配角為套戲錦上添花，Maroon 5成員之外，可愛肥仔Steve表現精彩。{查返資料，原來佢係〈唱Opera的保羅〉主演。}姬拉麗莉戲中嘅打扮令人眼前一亮。）
（矛盾一：Greta堅持音樂不必為電影服務，而此片正是電影與音樂的結合。）
（矛盾二：<劇透>片末Greta堅決將專輯放上網賣，唔比唱片公司賺到盡。</劇透> 電影OST響唱片鋪有得 賣喇。）
文：Walter K.
從電影而來，由電影而往。
喜愛獨自觀影。大堆頭大製作不是首選。
六次入場觀看同一齣港產片；四次入場觀看同一齣非港產片。
「主場」：電影中心（2012 – ）、星影匯（2014 – ）
