《 美女與野獸 》絕密小檔案
大家期待已久嘅《 美女與野獸 》終於上映喇！今次真人版陣容強勁，先不論男女主角的名氣，連一眾配角都係一等一嘅大明星！無論你純粹為咗睇故事定係為左睇明星，《 美女與野獸 》都係你嘅不二之選！不過係入場前，我哋為你送上小知識，等你更加了解《 美女與野獸 》!
1.貝兒一家係唯一係村入面著藍色衫嘅人。
其實係想用藍色表達主角係比較另類嘅女性。
2. 野獸塊面係由其他動物身體部份所組成
野獸塊面其實係由獅子鬃毛、猩猩眉毛、熊的身體、狼的尾巴、羚羊嘅角所組成，同原著有分別嘅係，原著入面佢嘅角本身係水牛角，亦多左一對豬嘅獠牙。雖然設定上野獸醜陋無比；但我覺得佢仲靚仔過我。
3. 王子其實係有名嘅
雖然成套戲都無交待過王子叫咩名，但係2010年1月號Disney Fan入面有講到佢叫咩名：Adam。
4.《美女與野獸》動畫係第一套被提名最佳影片嘅動畫電影
另外，佢嘅主題曲仲拎左奧斯卡「最佳原創歌曲」！
5.今次係愛瑪屈臣第一次係電影入面唱歌！
6. 《美女與野獸》同《星聲夢裡人》其實係有淵源嘅！
相信大家都知道愛瑪屈臣為咗拍《美女與野獸》而辭演《星聲夢裡人》，但其實大家又知唔知其實《星聲夢裡人》男主角賴恩高斯寧辭演《美女與野獸》而去左拍《星聲夢裡人》呢？
文：六仔
【 MOVIE6 影評 】《 美女與野獸 》當童話變成真實
【 MOVIE6 熱話 】《 美女與野獸 》11位角色動畫版、真人版新舊對照
