重溫 10 套張國榮經典作品及金句
雖然哥哥已經離開了多年，但每次一看到他的電影或聽到他的歌聲，總忘不了哥哥獨特的魅力。來到今天4月1日，就讓我們一同重溫哥哥的經典電影金句，懷緬一下昔日的時光吧。
哥哥張國榮10句經典電影對白
1.《阿飛正傳》
「 1960年4月16日下晝三點之前嗰一分鐘，你同我喺埋一齊。因為你我會記得嗰一分鐘，由依家開始我哋就係一分鐘嘅朋友。呢個事實嚟㗎，你追唔返喎，因為已經過去咗。」
2. 《胭脂扣》
「你有好多種樣，濃妝、淡妝、男妝、冇化妝，仲有如夢如幻月，若即若離花。」「你最鍾意邊種啊？」「都鍾意，分開夾埋都咁鍾意。」
3. 《春光乍洩》
「原來寂寞嘅時候，所有人都一樣。」
4. 《東邪西毒》
「其實醉生夢死，只不過係佢同我開嘅玩笑。你越係想知道係咪唔記得咗嘅時候，你反而會記得更加清楚。我曾經聽人講，當你唔可以再擁有嘅時候，你唯一可以做嘅，就係令自己唔好忘記。」
5. 《霸王別姬》
「不行！說的是一輩子，少一年、一個月、一天、一個時辰都不算一輩子。」
6. 《倩女幽魂》
「十里平湖霜滿天，寸寸青絲愁華年； 對月形單望相護，只羨鴛鴦不羨仙。」
7. 《鎗王》
「你依家應該知道高手喺你後面嘅壓力係點。」
8. 《異度空間》
「人好多時候係脆弱嘅，遇到唔如意嘅事，日積月累就會變成心結，就算你想話畀你屋企人或者朋友，佢哋未必識得開解你，所以人最重要係學識一件事，就係要識得調息自己同愛護自己。」
9. 《金枝玉葉》
「男又好，女又好，我只知道我鍾意你。」
10. 《縱橫四海》
「你冇聽人講過剎那嘅光輝並唔代表永恆嗎？」
