電影熱話

【 MOVIE6 熱話 】十個Emoji 冷知識 你又知幾多個呢?

十個Emoji 冷知識 你又知幾多個呢?

相信大家對emoji絕對唔會覺得陌生,但你對 emoji 嘅認識又有幾多呢?睇完以下十個冷知識,話唔定你會發現自己同emoji唔係好熟…

(1) Emoji 其實係日文詞語黎

我諗大部份人都會係用英文讀法去讀Emoji,但其實Emoji正確嘅寫法係絵文字(えもじ e-mo-ji)。
佢嘅由來係出自日本公司 NTT DoCoMO 公司的員工栗田穰崇之手,再經由softbank公司社長孫正義主動向蘋果公司要求加入去iPhone到,先至令Emoji發揚光大。

(2) Emoji嘅數目遠超你所想

雖然大家每日用開都係電話手頭上有嘅emoji,但其實可以用嘅emoji遠遠比你想像嘅多。目前為止總共係有2623個官方嘅Emoji,假如電話入面有哂咁多個emoji,要碌幾多頁先可以搵到一個岩用嘅emoji呢?😵

(3) 大部份人都誤解了Emoji想表達嘅意思

有啲icon當然能夠好白咁表達背後嘅意思,但係總會有啲係會惹人誤會嘅,有研究挑選出12個最容易被錯誤解嘅emoji,包括 💫、💁、😬等。其實💫=頭暈、💁=服務台女職員、😬代表痛苦。不過emoji嘅野,都係選擇Free style啦~

(4) Emoji 其實係有屬於自己嘅節日

每年嘅7月17號就係國際emoji日喇!喺呢日世界各地都有唔同嘅慶祝活動,例如紐約帝國大廈會喺當日轉做emoji嘅黃色。至於點解會係7月17號呢?因為係蘋果上面嘅日曆icon📅上面係7月17號,所以就係7月17號喇~

(5) Emoji 月曆上面嘅日子係唔同嘅

相信大家都知道係唔同地方所睇到嘅emoji係有少少唔同樣嘅,但你哋又知唔知道emoji月曆icon係連日期都唔同嘅呢?例如你係twitter見到嘅📅 會係三月廿一號,而Facebook Messenger就係8月9日。至於點解係呢啲日子就要動腦筋諗下喇~

(6)Emoji係有排行榜

就算我唔講大家都知道😂一定係最多人用嘅emoji。但你地又唔知唔知道第二第三名花落誰家呢?係Twitter上面係有紀錄到大家用emoji嘅次數嘅!😂符號以1.7兆大勝其他icon!而第二第三名係❤️&😍。咦,估唔到啵!😮

(7)整一個Emoji需要大量嘅時間

大家估下整一個emoji需要幾長時間🤔?一個星期?一個月?一年?其實要設計好emoji嘅外型,再將佢轉換成程式碼放係各個平台,係需要兩年嘅時間!😱

(8)其實係有Emoji嘅記錄片

除左電影之外,emoji喺2014年有一套紀錄片 -Emoji Among Us-,內容係講述emoji係我哋身邊無處不在,一個小小表情,已經代表左好多嘢!😎

(9)將來可以用Emoji黎做密碼

曾經有一間英國軟件公司申請將emoji引入個人銀行系統試。諗下如果連emoji都可以做密碼,咁樣密碼嘅組合又更複雜,變相減少比人駭入帳戶嘅風險。☺️

(10)有一份工係為左翻譯Emoji

係咪好難以置信呢?😏佢嘅工作內容係將emoji應用喺marketing嘅工作入面,確保每一個emoji能夠表達相應嘅意思。唔好以為呢份係一份容易嘅工作,因為emoji唔係一個統一嘅語言,每個國家都可能有唔同嘅解讀,萬一唔小心用錯emoji,就會引發關公災難…🤦🏻‍♂️ 所以話,唔辛苦又點得世間財呢?

文:六仔

You Might Also Like