呢套戲真係適合一家大細觀看, 因為劇情唔會太複習而且零血腥真係老少咸宜, 當然我就覺得有啲平淡, 而內容主要講喺7000年前，喺外太空有一粒超巨大嘅隕石跌入非洲森林，而且隕石墜落時更對附件嘅生物造成巨變。而經過7000年之後，一個熱愛冒險嘅紐約企業家帶著家人深入非洲叢林及火山谷探險，決心要搵到呢粒充滿神奇力量嘅傳奇隕石，因為佢相信呢個外星隕石係有某啲特殊力量。
但結果喺探險途中雖然真係搵到隕石位置並抽取其中一部份，但離開果陣受到不明嘅力量控制，令直昇機墜機，佢同妻子更不幸罹難，只有佢哋個仔JJ(泰山)還在生存。一隻母猩猩喺失事殘骸中發現這個男孩，並視如己出撫養泰山長大成人。泰山更加係猩猩身上學到森林生存嘅方式，而且喺長大過程當中已經比森林上嘅動物更加強。過了數年後，泰山遇到另一個女仔，而且更加對佢一見鍾情，接著大家仲一齊經過好多難關，保衛住森林嘅安全。
睇完成套戲, 我覺得啲動畫好細緻好似真嘅一樣, 但始終劇情可以再高低起伏大啲會更加吸引。
5/10
文：waterqq
Just a man who loves movie.
