電影熱話

《逆向誘拐》電影製作日記(一)

movie_diary_1
-逆向- 靈光

2016年10月,電影《逆向誘拐》正式開拍。

其實我哋唔係《逆向誘拐》嘅工作人員,但係我哋有份可以記錄成齣戲嘅誕生,已經當咗自己係《逆向誘拐》嘅一份子~(有無問過導演先?)至於我哋點解可以參與今次電影嘅製作過程,暫時唔話畀大家知:)

導演?有~劇本?有~場地?有~演員?有~工作人員?有~大家都知道一齣電影真正開鏡之前以上嘅單位都要有齊晒喺到,你話除非係王家衛拍戲啫,咁就可能會少梗幾樣嘢。如果想八卦《逆向誘拐》開拍前嘅預備工作,我哋遲啲訪問導演同原著作者嘅時候再透露畀大家知,我哋暫時做住導演嘅客席跟班先!

-誘拐- I'M

今次有機會做到電影拍攝紀錄嘅其中一員,第一次去現場睇人拍戲,每個過程都覺新鮮,同時亦完全感受到一套電影嘅製作係相當困難,由落實劇本開始去到真正拍攝所需嘅人力物力都相當大。當然每個團隊亦要有好好嘅溝通,每個細節都不容有失,製作認真。

就等我哋跟住導演同其他製作單位,記錄佢哋每次拍攝嘅片段/趣事,等你哋知多啲啦!

螢幕快照 2016-01-07 2.46.20 pm
-試身日- 20161014

靈光:演員喺Day1(正式開鏡嘅第一日)之前要先試造型,除咗試下有邊件衫邊對鞋襯到角色之外,都會包埋髮型同化妝。呢一日下晝我哋上咗去導演嘅工作室,已經見到演員之一嘅張雪芹試緊衫。隔咗一陣邵仲衡都到埋,佢行入嚟嘅時候仲係街坊look,但係唔駛幾耐就set好晒頭,仲換咗一件恤衫。

邵仲衡:「下面唔駛換住啦?」

靈光:係-v-因為邵仲衡要幫我哋拍一條宣傳短片先,唔影下面-v-期間邵仲衡同導演討論佢可唔可以留鬚,因為佢嘅角色係一個差人,但係差人都分好多種,有軍裝,有便衣,有好,有⋯⋯但係導演梗有事先check過啦,話邵仲衡扮嗰款差人係可以留鬚㗎!所以話製作真係一絲不苟。

I'M:呢日都好感謝邵仲衡幫手拍《逆向誘拐》招募100位神秘人嘅宣傳短片!而一早已經有超過100位香港人參加,拍攝時間係11月11日,地點係尖沙咀天星碼頭~到時見!

按此重溫《逆向誘拐》電影製作日記(二)進擊的曾江

文:靈光

https://www.facebook.com/huxtin/

靈光一閃,正在尋找《光影星碎》後的《生死幻願》。

文:I’M

每套電影總會有一句對白打進自己心裡。

You Might Also Like