故事大綱
眾信集團董事長何仲平（周潤發 飾）憑着一身幹勁、獨到眼光以及長袖善舞手腕打開商界人脈網絡，加上跟隨他多年的貼身得力助手、集團CEO張威（張艾嘉 飾）的協助，業務迅速發展。這年，眾信集團一班精英高層正為公司策劃上市忙得不可開交，偏偏遇上震驚世界的一場金融危機。王大偉（陳奕迅 飾）作為公司看重的中層核心，憑着自己的聰明才智，遊走上司與下屬間一直得心應手，表面為上市計劃勞心勞力，心裏卻另有打算；蘇菲（湯唯 飾）掌管眾信集團的財務部，整理着眾信每天出入的龐大數字，令她身陷險境。一場危機凸顯了眾信集團內各種明爭暗鬥，有人趁火打劫、有人利慾薰心密謀亂中取利，結果有人功成利就、有人黯然退場，有人…鷸蚌相爭、漁人得利，成了最終的幕後玩家。
片段一：
《華麗上班族》孖寶車婉婉洪天明爆心聲！每個上班族都有一個好實際嘅心願，同埋一個好唔實際嘅幻想，你實明嘅！
片段二：
出街可以唔睇路，返工唔可以唔知埞。《華麗上班族》嘅秘密gathering地點，你地公司一定都有！
片段三：
與其做嘢進取，不如醒定答嘴。《華麗上班族》最知老細心嘅Eason話你知，點樣傾閒計之餘可以暗示老細：我真係好勤力架！
片段四：
《華麗上班族》嘅噩夢：唔係我唔做，係同事太快手。公司咁多懶醒人, 總有一個喺左近！
片段五：
《華麗上班族》教你華麗地講是非，如何講到雲遮霧繞、似有還無，最好係自己無講出口，對方已經get到！
片段六：
《華麗上班族》教路，新丁第一堂：出得嚟行，預咗俾上司「彈」！
片段七：
俗語有雲：老細嘅心事，仲難估過六合彩果幾個數目字！各位《華麗上班族》，幾多技能都不如識讀心，老細嘅心事你明嗎？
